¡Alerta Lectores!

2011-06-12T18:00:00.009+01:00

O CAZADOR DE ESTRELAS
Ricardo Gómez

A trama ten lugar practicamente enteira dentro dunha jaima, no campamento saharauí de Smara no deserto do Sáhara, na que Bachir, un rapaz afectado por unha enfermidade pulmonar, permanece día e noite desde hai bastante tempo. A través do oído Bachir imaxina o que ocorre arredor da jaima. Coa axuda dos que lle rodean (que o tratan con moita tenrura) e, principalmente, dun misterioso personaxe, que aparece polas noites, o protagonista entenderá moitas cousas súas e do seu pobo (Sáhara occidental). Ademais a presenza deste vello, Jamida, contáxialle ganas de vivir, de saber e de loitar contra a dolor e a enfermidade.

Jamida ensínalle que as persoas e os pobos deben sobrepoñerse ás desgrazas e loitar para superar as dificultades. Jamida (un pouco guerreiro, outro pouco médico e, sobre todo, sabio), ao final descúbrenos que é cego. Antes de marchar ensínalle a Bachir a interpretar o ceo e a crer no poder das estrelas para conceder desexos.
A "limitación" do escenario único acaba pasando desapercibida, de feito é coma se, á vez que o visitante nocturno vai abrindo os ollos ao mundo a Bachir, o escritor vainos sacando da jaima.
Cabe destacar, ademais, que non se limita a presentarnos ao pobre rapaz deitado para que sintamos mágoa e punto, senón que nolo presenta un pouco tirano, debido a que a súa situación levou a todos os que o rodean a estar pendentes del.
Este non é un libro de aventuras, senón un libro sensible, emotivo, sinxelo de ler, poético. Coa súa lectura podemos aprender como viven os saharauís no deserto. Seguro que como nos conta este vídeo, algún día poderán volver ao seu país.

2010-06-13T19:14:00.009+01:00

A POMBA E O DEGOLADO
Fina Casalderrey
“Pomba” e “ Degolado” son os nomes que utilizan unha rapaza e un rapaz cando se comunican a través de Internet.
O protagonista da historia, André, refúxiase no anonimato do chat, para expresar os seus sentimentos e medos. O seu nome clave “Degolado” reflicte a situación que vive no instituto. No ciberespacio atopará a pomba que se convierte na súa mellor amiga, á que lle conta os seus problemas.
Neste libro trátanse varios temas: o acoso escolar (Héctor Solla e Raúl Pernas acosan a André e a Halima), as relacións familiares (os pais de André sepáranse, o avó enferma...), a amizade (Curro e Halima). as relacións amorosas entre adolescentes (André namórase de Halima)...
André, na casa dos avós, pasa os seus mellores momentos mentres coida dos paxaros (Se queres escoitar os cantos de algún paxaro pica aquí) e chatea coa súa amiga cibernética que o axuda a descubrir que paga a pena confiar na xente.
Fina Casalderrey naceu en Xeve (Pontevedra). Dende os dezanove anos, exerce a profesión de mestra. Empezou escribindo varias pezas teatrais para ser representadas polo seu alumnado. Afeccionada á investigación etnográfica participou e gañou diferentes premios dirixindo aos seus alumnos e alumnas na realización de traballos. Publicou libros de investigación sobre gastronomía: O libro da empanada, Festas gastronómicas de Galicia e Repostería en Galicia. Colabora en prensa e revistas. No ano 1991 deuse a coñecer no mundo das publicacións coa novela xuvenil Mutacións xenéticas. No ano 1996 foille concedido o Premio Nacional de Literatura Infantil e Xuvenil coa novela O misterio dos fillos de Lúa. A maior parte da súa obra está traducida a tódalas linguas do Estado, tamén ó Portugués.

2010-06-04T18:50:00.006+01:00

Lúa de Senegal

Agustín Fernández Paz

Esta avaliación lemos nas clases de 1º este libro de Agustín Fernández Paz. Co título de Lúa do Senegal, conta a historia dunha rapaza que debe comezar unha vida nova xunto coa súa familia nun país estraño, Galicia, na cidade de Vigo.
Libros coma este que nos fala do mundo actual e dos problemas dos seres humanos axúdannos a mirar con outros ollos, a comprender mellor o problema da inmigración e a poñernos no seu lugar.
Khoedi, unha rapaza senegalesa, nas súas conversas coa lúa, que é a mesma lúa do Senegal, achéganos a un mundo e unha cultura diferente. Ela é unha gran contadora de historias, aprendeu escoitándolle a mamá Feriane que lle contaba unhas marabillosas historias tradicionais espertando así a súa imaxinación.

Un precioso libro con unhas magníficas ilustracións de Marina Seoane.

2010-04-20T18:33:00.004+01:00

TRISTES ARMAS
Marina Mayoral
Marina Mayoral na súa web di deste libro:

Esta é a historia dunha carta que nunca chegou ao seu destino. Tamén é a historia de dúas nenas, Harmonía e Rosa, exiliadas en Rusia, de dous amigos que se atopan en bandos opostos, dunha muller loitadora, dun carteiro namorado, dun rapaz empeñado en borrar a tristeza dos ollos dunha rapaza.
É unha historia de fillos separados dos seus pais, de parellas desfeitas, de homes e mulleres zarandeados e maltratados polos ventos do odio.
Pero Tristes armas é sobre todo unha historia de amor.
Tristes armas presenta dende un punto de vista sinxelo e profundamente humano algúns episodios da Guerra Civil, desde o punto de vista dos que non combateron, pero que sufriron as súas terribles consecuencias.
Tristes armas é unha novela para adolescentes.

Mariña Mayoral naceu en Mondoñedo, Lugo, en setembro de 1942. É novelista e Catedrática de Literatura Española na Universidade Complutense de Madrid. Escribe en galego e en castelán e algunhas das súas novelas foron traducidas ao alemán, italiano, portugués, polaco e chinés.

2010-04-16T12:31:00.001+01:00

AS AVENTURAS DE "A MAN NEGRA"

AUTOR: Hans Jürgen Press

ARGUMENTO: As aventuras de "a man negra" están protagonizadas por un grupo de amigos que á saída do colexio e durante o período de vacacións reúnense nunha base para facer os deberes e poñer en marcha as súas investigacións. O libro contén catro historias de detectives que estimulan o sentido da observación. Na primeira historia A casa misteriosa resolven un caso de falsificación de selos; na segunda O tesouro no lago Bebersee teñen que descubrir a un ladrón de xoias; na terceira O túnel dos traficantes investigan un asunto de tráfico de drogas e finalmente en Roubo no zoo axudan á policía no estraño caso do roubo de tres animais. As ilustracións son parte do texto e tamén deben ser lidas para descubrir as pistas que permitirán resolver o enigma. Se vas anotando as respostas ao final poderás comprobar se es un bo detective como Sherlock Holmes.

2009-06-17T19:15:00.001+01:00

TONECHO DE REBORDECHAO

Breogán Riveiro

Rebordechao é unha aldea que queda alá por... chegando á... O certo é que non é doado atopar Rebordechao, nen sequera aínda que a busques. Neste lugar perdido vive Tonecho, o neno máis bo e máis guapo, o mellor de todos, porque en Rebordechao... non quedan máis nenos ca el.

No relato cóntanos moitas cousas: como é a vida na aldea, como é a escola unitaria na que a súa mestra Sabela lle aprende cousas que non veñen nos libros, a súa amizade con Kevin... E ademais, coñeceremos os seus avós, que como di Tonecho son coma nenos: discuten polas cousas máis insólitas pero cun aquel que demostra o que é o verdadeiro amor.

Na aldea Tonecho non ten tempo de aburrirse. A paisaxe é fermosa, tanto se neva como se vai sol, e cando chove gústalle quedar a carón da lareira e escoitar os milleiros de historias que saben os avós. Ademais, hai casas baleiras nas que entrar, froitas que roubar e corredoiras que percorrer.

Precisamente a afección de Tonecho a deambular pola aldea será a orixe dunha emocionante aventura e dunha descuberta relacionada coa arrepiante historia dun lobishome que viviu por aquelas terras. Ao final todo quedará en nada, pero, vaia susto que nos deu o Tonecho!

No IES de Becerreá, no club de lectura leron este libro e entrevistaron a Breogán Riveiro. Se queres ler a entrevista pica aquí.

2009-02-26T18:00:00.005+01:00

Usha

María Reimóndez

(N-869-REI-ush)
Uxía (Usha) escribe o relato da súa estanza en Devastana, unha vila do estado de Karnataka, na India. A rapaza galega, que acompaña a súa nai, membro dunha ONG, rememora a vida cotiá alá na India, un país moi diferente do noso. Alí fai amigos como Lakshmi e Deepak, aprende canarés, coñece novos costumes e lendas, aprende que alí o seu nome significa a primeira luz do mencer...

Usha co seu relato dános a coñecer a forma de vida dun país tan diferente ao noso como é a India e fainos comprender e coñecer realidades moi diferentes da nosa. Queres buscar datos na wikipedia en canarés? Que che pareceu, fácil non? Tamén podes ver algunhas fotos dos rangolis, a árbore neem, algún sari, a deusa Saraswati, algún templo..., e ata hai unha de María Reimóndez poñendo un sari diante dos rapaces e rapazas dun instituto de Gondomar. Non sei se poderá algún día vir ao noso, pois está moi ocupada traballando na súa ONG.

2008-05-27T15:41:00.004+01:00

O cazador de estrelas
(N860/GÓM/caz)
Ricardo Gómez

Bachir é un neno enfermo que vive nun campamento de refuxiados saharauis. Unha doenza pulmonar obrígalle a permanecer na súa tenda. Non sabe ler nin escribir e abúrrese cos libros de imaxes que lle leva súa irmá. Descobre que a través dos sons que lle chegan do exterior pode enterarse de todo o que pasa no campamento. Entretense escoitando estas voces e imaxinando o que transcorre fóra da súa tenda. Unha noite escoita o ruído duns pasos e coñece a un vello que lle vai contar a historia do seu pobo e a posibilidade de curarse da súa enfermidade.

Para facer o traballo podedes picar aquí e iredes á páxina da wikipedia con información sobre o Sahara en galego. Tamén podes ver un pequeno vídeo nun campamento saharauí dunha campaña de apoio a este pobo. O IES As Mariñas de Betanzos, no que tamén leron o libro, ten uns xogos sobre o Sahara, podes probar a xogar picando aquí.

2008-05-27T15:09:00.005+01:00

O cocho de carreiras Rudi Fuciños

Timm, Uwe

A historia dun cocho que un día lle toca nunha tómbola a Zuppi, unha nena coa que Rudi coñecerá a súa verdadeira vocación. A familia de Zuppi está formada por un pai exiptólogo en paro, unha nai profesora e tres fillos. A entrada do pequeño cocho na familia vai provocar alegrías e desgustos, enfados e aventuras. De primeiras resulta moi difícil convencer a un caseiro de que se pode ter un cocho na casa. Tampouco é fácil metelo na bañeira. Ao final, pasadas as incomodidades dos primeiros días, a familia acabará acomodándose a convivir co porco, aínda que o papá exiptólogo se teña que converter en vixiante dun campo de deportes. Alí nacerá a verdadeira vocación de Rudi Fuciños.

Existe unha película "Rudi, el cerdito de carreras" que aínda que ten como protagonista a Rudi conta outra historia diferente da do libro que lemos en clase.

2008-03-02T19:40:00.003+01:00

TRES PASOS POLO MISTERIO
Agustín Fernández Paz
Este novo libro de Agustín Fernández Paz recolle tres relatos nos que a presenza do misterio ocupa un lugar central. En cada un deles unha persoa narra un suceso inquedante e inexplicable que acabou por mudar de xeito profundo a súa vida. O arqueólogo de “A serpe de pedra” conta os terribles acontecementos que, despois da escavación da Roza das Modias, acaeceron nun museo de Lugo provocados pola maldición agochada durante miles de anos baixo un monumento megalítico. O xove peregrino de “A vella foto das estrelas” relata como debido a un encontro marabilloso acaecido no Camiño de Santiago tocou o misterio da presenza terrible e marabillosa que vén coa noite chea de estrelas. O historiador de “As sombras do faro” rememora, trinta anos despois, os estraños e desacougantes sucesos, tan claros na súa memoria, da enigmática torre de Pontebranca, un faro derruído, onde se viviron experiencias terribles. Un libro que guía os nosos pasos polos camiños do misterio, da intriga e do terror.

2008-02-13T20:36:00.004+01:00

AS AVENTURAS DE "A MAN NEGRA"
AUTOR: Hans Jürgen Press
ARGUMENTO: As aventuras de "a man negra" están protagonizadas por un grupo de amigos que á saída do colexio e durante o período de vacacións reúnense nunha base e alí poñen en marcha as súas investigacións detectivescas. O libro contén catro historias de detectives que estimulan o sentido da observación. Na primeira historia A casa misteriosa resolven un caso de falsificación de selos; na segunda O tesouro no lago Bebersee teñen que descubrir a un ladrón de xoias; na terceira O túnel dos traficantes investigan un asunto de tráfico de drogas e finalmente en Roubo no zoo axudan á policía no estraño caso do roubo de tres animais. As ilustracións son parte do texto e tamén deben ser lidas para descubrir as pistas que permitirán resolver o enigma. Vai anotando as respostas ás preguntas e ao final poderás comprobar se es un bo detective ou se debes seguir mellorando para chegar a ser un detective famoso como Sherlock Holmes.

Verano en vaqueros

2007-11-01T20:18:00.001+01:00

Verano en vaqueros

Ann Brashares (860-BRA-ver)

Antes de salir de vacaciones, Carmen, Lena, Bridget y Tibby deciden que van a compartir un pantalón vaquero que les sienta genial a todas, y que se lo irán pasando durante el verano. Carmen se va a casa de su padre; Lena, a casa de sus abuelos en Gracia; Bridget, a un campamento de fítbol, y Tibby va a trabajar en un supermercado. Cada una va a tener mucho que contar al resto de amigas, porque va a ser un verano muy especial.

Unha novela fácil de ler e que está tendo éxito entre os lectores, especialmente entre as lectoras. Sobre este libro fíxose unha película "Uno para todas" que tamén tivo moito éxito entre a xente nova.

Anímate a lelo, vaiche gustar, e si ves que si, que está ben, avísanos e podemos conseguir a segunda parte.

2007-05-31T18:12:00.000+01:00

A noite da raíña Berenguela
Xosé Antonio Neira Cruz
T-869-NEI-noi

O vello das pombas recórdanos uns feitos que aconteceron no século XIII. Cóntalle a Comba, mentres os nenos e nenas cantan na rúa (A raíña Berenguela, güi, güi, güi...), a historia da raíña Berenguela. Ten moitos personaxes: o xograr Reinaldos, montado no seu simpático cabalo Sinforoso; El Rei Afonso, que só se preocupa de comer...; a simpática e moderna Dorotea; Isidora e Eleanora, a malvada raíña dona Urraca, o arzobispo Xelmírez que ten medo de ser desarzobispocompostelanizado; o conde de Traba, o inventor Frei OdranoeL amigo da raíña... completan o elenco desta pequena peza teatral.

Supoño que sabedes que a raíña Berenguela tiña sona de tola porque era moi especial. Aínda hoxe seguen falando dela en Compostela, onde é a protagonista dunha fermosísima lenda que se adoita contar a noite do 24 de xullo.

Esta historia ensínanos que todos non temos porque ser iguais, hai persoas que a pesar de ser consideradas raras ou tolas, son verdadeiramente especiais.

Esta peza teatral escribiuna Xosé Antonio Neira Cruz e con ela gañou o premio Lazarillo.

As ilustracións de Kiko da Silva están cheíñas de detalles imaxinativos e humorísticos.

2007-05-11T20:14:00.000+01:00

Usha
María Reimóndez
(N-869-REI-ush)

Uxía, Usha para os seus amigos, escribe o relato da súa estanza en Devastana, unha vila do estado de Karnataka, na India. A rapaza galega, que acompañaba a súa nai, membro dunha ONG, rememora a vida cotiá da súa escola india. Alí fixo amigos como Lakshmi e Deepak, aprendeu canarés, coñeceu novos costumes e lendas, enfrontouse con dificultades imprevistas e, sobre todo, cunha nova visión da vida, ata entón descoñecida para ela. Aprendeu na India que alí o seu nome significa a primeira luz do mencer. Nunca o esquecerá.
Usha cóntanos costumes dun país tan diferente ao noso como é a India e fainos comprender e coñecer realidades moi diferentes da nosa. ¿Queres buscar datos na wikipedia en canarés? ¿Que che pareceu, fácil non? Tamén podes ver algunhas fotos dos rangolis, a árbore neem, algún sari, a deusa Saraswati, algún templo..., e ata hai unha de María Reimóndez poñendo un sari diante dos rapaces e rapazas dun instituto de Gondomar. Non sei se poderá algún día vir ao noso, pois está moi ocupada traballando na súa ONG.

Intercambio cun inglés

2007-03-15T19:50:00.000+01:00

Intercambio cun inglés
Christine Nöstlinger
(N869-NÖS-int)

Os pais de Edwald durante o verán queren envialo a Inglaterra para que mellore o seu inglés. Grazas á colaboración de Bille (a súa irmá) Edwald consegue librarse. Un rapaz de intercambio vai ser a solución. Cando aparece Jasper produciranse moitas sorpresas...
Christine Nöstlinger, a autora, é unha escritora austriaca que escribe libros divertidos para rapaces coma vós. Os temas dos seus libros: as relacións familiares, a escola, a educación, as relacións entre rapaces, a amistade... A linguaxe sinxela, cargada de tenrura e humor.
Recibiu o premio Andersen de literatura infantil. ¿Sabes quen era Andersen? Pica e poderás ler os seus contos.

2007-02-13T19:25:00.000+01:00

Conta saldada
Suso de Toro
(N869-TOR-con)
Conta saldada é unha novela de acción, na que unha rapaza (Catuxa) e o seu medio irmán (Xermán) tentan descubrir as estrañas circunstancias da morte do pai. A aparición do fantasma do pai informa á Catuxa de que fora asasinado, contradicindo a versión oficial que falaba dun suicidio. Catuxa, influída pola asistencia a unha representación teatral de Hamlet, decide vingar a morte do pai coa inestimable axuda do seu irmanastro.

Suso de Toro é un dos narradores máis internacionais da literatura galega actual. Algunha das súas novelas foron levadas ao cine como Trece Badaladas.

2006-12-15T21:11:00.000+01:00

O mago de Esmirna

Joan Manuel Gisbert

(N869-GIS-mag)

Shaban, fillo do Mago de Esmirna, emprende a súa viaxe iniciática para converterse en mago: comeza así a súa ascensión á Gran Montaña, onde ten que pasar o seu primeiro día en soidade. Alí, onde todo é posible, terá experiencias insólitas porque o tempo e o espazo perden o seu valor.

Se queres saber máis do autor...

2006-12-15T20:57:00.000+01:00

¡Vaiche boa!
Angels Bogunyá - Traduc. Neira Cruz
(N860-BOG-vai)

Marta estaba un día lendo un libro de contos. De súpeto, ¡zas!, saíu do libro unha fada moi especial. A Marta non lle quedou máis remedio que acollela na súa casa, pero ás agachadas de todo o mundo. ¡Vaiche boa coas cousas que a Marta lle pasaron desde entón!
¡Vaiche boa! é unha historia na que tanto o seu ritmo narrativo coma a súa forza expresiva e humorística parecen situar coda cousa no seu tempo.

Libro da escritora catalana Angels Bogunyá, mestra que leva tempo traballando na promoción da lectura. Traducido ao galego por un dos autores máis afamados da nosa literatura. Outro título da mesma autora na biblioteca: "Cincuenta mil pesetas por un bigote", en castelán.

2006-12-11T21:34:00.000+01:00

Cartas de inverno
Agustín Fernández Paz

(N869-FER-car)

Tareixa Louzao recibe un sobre remitido polo seu irmán Xabier desde un, lugar descoñecido para ela: Doroña (Vilamaior). No interior inclúense unha carta e outro sobre máis pequeno e fechado. Na carta, Xabier indícalle á súa irmá que non abra o sobre e que, se antes dunha semana non volve recibir outra misiva súa, llo entregue ó Inspector Soutullo da Comisaría de Vigo. Pero Tareixa non pode resistir a tentación e abre o sobre. No seu interior aparecen unhas cartas que lle foran remitidas a Xabier polo seu amigo o pintor Adrián Louzao, e que el tardará tempo en recibir por mor dunha longa estadía en Quebec. No epistolario Adrián fala dos estraños sucesos que está a vivir relacionados coa súa nova casa, e pídelle axuda ó seu amigo.

Premio Rañolas de Literatura Infantil e Xuvenil 1995

Un dos escritores máis recoñecidos, máis valorados e máis traducidos a outros idiomas, Agustín Fernández Paz é mestre ademais de escritor. Gran parte do seu labor está adicado á defensa do noso idioma e ao seu ensino. Participou activamente, moitas veces como membro fundador, nos movementos de renovación pedagóxica en Galicia. Tamén é co-director da colección de literatura Merlín. Por suposto podes atopar outros títulos seus na biblioteca do insti.

2006-12-10T21:25:00.000+01:00

Rebelde
Manuel L. Alonso

(N860-ALO-reb)

"Rebelde" es un libro que trata de un chico de 17 años que después de la muerte de sus padres vagabundea por muchos lugares de España. En Madrid entra en una piscina de pijos, y allí ve a una chica que le gusta, llamada Ana.
A él lo echan de la piscina, entonces Ana va en su coche y lo recoge.
Se enamoran, pero Ana se tiene que ir porque su padre ha hecho una estafa. Él la sigue y la encuentra. Va hasta Canarias por ella, entonces le promete al padre de Ana que la va a cuidar y se va junto a ella y le dice que la va a cuidar y amar...
Este libro es la continuación del titulado "El impostor"

Ana Novo

Manuel Luis Alonso é un escritor con varios premios de narrativa xuvenil e os seus libros teñen moi boa acollida entre a xente nova. Na biblioteca do centro podes atopar outros títulos do mesmo autor, como "No miréis a la luna a través del cristal" ou "Las pelirrojas traen mala suerte". Obrigado é facernos agora co "el impostor"; en breves días na súa biblioteca, oigha!

2006-12-04T22:06:00.000+01:00

El príncipe de la niebla
(N-860-RUI-prin)
O príncipe da brétema
(N-869-RUI-prin)
Carlos Ruiz-Zafón

La familia Carver se traslada de Londres a un pueblo de la costa en el verano de 1943 para alejarse de la guerra. El nuevo hogar de los Carver está rodeado de misterio.En él aún se respira el espíritu de Jacob, el hijo de los antiguos propietarios, que murió ahogado. Max descubre un jardín con figuras siniestras que cambian de posición. Conoce a Rolland que se enamora de Alicia y juntos viven una terrible experiencia buceando. Todo se complica con la aparición de un diabólico personaje: el Príncipe de la Niebla, capaz de conceder cualquier deseo a una persona a un alto precio...

Un dos primeiros libros de Carlos Ruiz Zafón, cheo de misterio, intriga, amor... foi premio Edebé no ano 1993. Outra obra do autor "La sombra del viento" (N860-RUI-som) é un dos libros máis lidos e vendidos dende hai varios anos, tanto dentro coma fóra de España. Na biblioteca podes atopalo, xunto cun algún outro título do mesmo autor.

2006-11-29T17:13:00.000+01:00

A historia do home-can

Pepe Carballude

(N-869-CAR-his)

Faustino Santos, notario en excedencia desde que lle tocaron moitos millóns nunha primitiva, está obsesionado por recuperar a mocidade. Por fin parece ter a solución no "restituidor da mocidade" que lle envía o indio Kechú desde México. Próbao axiña, despois do vermú, sen ler as instruccións que indican que non se pode tomar logo de beber alcohol, e convértese en can. Entón, sen lle dicir nada á muller, pois padece do corazón, lisca da casa comezando así unha carreira desventurada en busca de axuda para recuperar a forma humana.

Obra de Pepe Carballude que explica as aventuras, e desventuras, en clave de humor, dun home convertido en can. Demostración práctica de que co alcohol hai que ter moito ollo.

Se che gustou o libro podes ler outras obras do mesmo autor, que atoparás na biblioteca.

2006-11-21T22:18:00.000+01:00

Las crónicas de Narnia
C.S. Lewis

N-860-LEW-cró

As "Crónicas de Narnia" son unha serie de libros, sete en total, que podes ler por separado, aínda que o ideal, para entedelos mellor, é lelos na orde en que foron escritos. No primeiro deles "El sobrino del mago" podes asistir á creación do mundo de Narnia, e ter o primeiro contacto con Aslam.
En Narnia atoparás seres mitolóxicos, animais parlantes e toda clase de criaturas inventadas pola mente creativa do seu autor Clive Staples Lewis.
Podes atopar información sobre a serie na páxina oficial da editorial, ou sobre a película realizada a partir do segundo volume da serie"El león, la bruja y el armario".

Os fillos de Adán e as fillas de Eva non sempre poden entrar en Narnia cando queren, nin atoparse con Aslam así como así, pero abrindo as páxinas dun libro...

2006-11-21T22:04:00.000+01:00

Memorias de Idhún III:
Panteón

Laura Gallego

N-860-GAL-mem

Tras la última batalla contra Ashran y los sheks, muchas cosas parecen haber cambiado en Idhún. Sin embargo, los Oráculos hablan de nuevo, y sus voces no son, ni mucho menos, tranquilizadoras. Algo está a punto de suceder, algo que puede cambiar para siempre el destino de dos mundos... algo que, tal vez, ni siquiera los héroes de la profecía sean capaces de afrontar...
Memorias de Idhún. Panteón es la tercera y última parte de la serie de Memorias de Idhún. Si te gustaron La Resistencia y Tríada, no te puedes perder el final de la trilogía...

Na primeira parte da triloxía tiñas un enlace, picando na foto da autora, para visitar a súa páxina web, se picas aquí podes visitar un "foro" sobre o mundo de Idhún. E recorda que picando en "comment", ao final deste texto, podes publicar o teu comentario sobre estos libros, que sempre se agradece. Anímate!

2006-11-21T21:57:00.000+01:00

Memorias de Idhún II:
Tríada

Laura Gallego

N-860-GAL-mem

Los miembros de la Resistencia han llegado por fin a Idhún, dispuestos a hacer cumplir la profecía. Pero no todo es tan sencillo como parece. ¿Asumirán los protagonistas su papel en el destino vaticinado por los Oráculos? ¿Puede la Resistencia confiar en su nuevo aliado? ¿Cómo serán recibidos en Idhún, después de quince años de ausencia? ¿Cuál será el próximo movimiento de Ashran y los sheks? Memorias de Idhún. Tríada es la segunda parte de La Resistencia, la novela que daba comienzo a las Memorias de Idhún. Si disfrutaste con las aventuras de Jack, Victoria y Kirtash no puedes perderte la continuación del primer libro y el inicio de su viaje por el mundo de Idhún

La Resistencia

2006-11-20T00:34:00.000+01:00

MEMORIAS DE IDHÚN I:
LA RESISTENCIA

Laura Gallego

N-860-GAL-mem

O comenzo da historia. Jack e Victoria encóntranse e descubren outro mundo, grazas aos poderes de Shail. Tamén aparece Kirtash, frío como un témpano de xeo, asasino sen mostra de sentimentos, pero...

No primeiro capítulo, a pouco de empezar, podemos ler:

Ante él se hallaba un chico algo mayor que él, vestido de negro. Era delgado y fibroso, de facciones angulosas y cabello castaño claro, muy fino y liso, que le caía a ambos lados del rostro. Sus ojos azules se clavaron en él, inquisitivos...

... Y otra cosa. Frío. Jack se quedó paralizado, hechizado por la mirada del joven de negro. “Te estaba buscando”, se oyó una voz en su mente. Y, en aquel mismo instante, Jack supo, de alguna manera, que iba a morir, como lo sabe la mosca que queda atrapada en la telaraña, como lo sabe un ratón que se topa con la mirada de una serpiente. Pero entonces...

... Su salvador era un joven de unos veinte años, alto y musculoso, de cabello castaño corto y expresión grave y severa, que había aparecido de la nada, interponiéndose entre Jack y el otro muchacho. Había algo en él que imponía respeto, a pesar de las extrañas ropas que vestía...

Anímate e fainos chegar os teus comentarios! Non tes máis que picar onde pon 'comments'.

Memorias de Idhún - Laura Gallego

2006-11-19T20:43:00.000+01:00

Unha triloxía que nos leva dende este mundo coñecido a outro onde a maxia, a amizade, o valor... aínda teñen moito que dicir.
"El día en que se produjo en Idhún la conjunción astral de los tres soles y las tres lunas, Ashran el Nigromante se hizo con el poder en aquel planeta. En nuestro mundo, un guerrero y un mago exiliados de Idhún han formado la Resistencia, a la que pertenecen también Jack y Victoria, dos adolescentes nacidos en la Tierra. El objetivo del grupo es acabar con el reinado de las serpientes aladas, pero Kirtash, un joven y despiadado asesino, enviado por Ashran a la Tierra, no se lo va a permitir...."

Así presenta a autora a triloxía na súa páxina, que podes visitar premendo na imaxe

Nós imos falar dos libros un a un, que hai xente que aínda non os ten lido todos. Ti dirás o que che pareceron.